Proxectos de interese autonómico para a creación de solo residencial
A Estratexia Galega de Solo Residencial, elaborada pola Consellería de Vivenda e Planificación de Infraestruturas, a través do Instituto Galego da Vivenda e Solo (IGVS), prevé a planificación do desenvolvemento de solo residencial para a construción de 25.000 vivendas, das que 20.000 terán algún réxime de protección pública, mediante a figura dos proxectos de interese autonómico (PIAs), co obxecto de alcanzar unha tramitación máis áxil, impulsada e tutelada pola Xunta de Galicia e co fin de dar resposta á alta demanda de vivenda, especialmente entre as persoas e colectivos con maiores dificultades de acceso.
Os eixos da estratexia son os seguintes:
-
Colaboración cos concellos, coa súa conformidade aos ámbitos de actuación elixidos, nos que se busca a maior compatibilidade co plan, priorizando a elección de actuacións en solos urbanizables previstos no plan xeral do municipio
-
Cohesión social, coa repartición no ámbito de vivenda pública, protexida de réxime especial, xeral ou concertado e vivenda libre
-
Participación e implicación do sector privado para a execución e financiamento das vivendas
-
Posibilidade de execución simultánea de urbanización e edificación
-
Vivenda para a mocidade, co establecemento de reservas que faciliten o acceso de vivenda aos mozos con tipoloxías adaptadas as súas necesidades
- LUGO (S-5R Barrio do Sagrado Corazón)
-
Prazo de alegacións pechado
- VIGO (SUB 405 Ofimático)
-
Prazo de alegacións pechado
- ARTEIXO (A Penouqueira - A Baiuca)
-
Prazo de alegacións pechado
- OURENSE (Escorial - O Vinteún)
- PONTEVEDRA (Sector B-5 - sector leste - estrada de San Mauro)