Portal IGVS

Santiago de Compostela, 11 de xuño de 2025

A conselleira de Vivenda e Planificación de Infraestruturas, María M. Allegue, presidiu esta mañá unha nova reunión do Consello de Administración da Sociedade de Vivenda Pública de Galicia (Vipugal)

Neste encontro, que tivo lugar na sede do Instituto Galego da Vivenda e Solo (IGVS), acordouse, entre outros temas, o convenio marco entre o IGVS, Vipugal e entidades financeiras para a promoción, construción e compra de vivendas de promoción pública.

O Goberno galego segue a traballar a pleno rendemento no reto de duplicar o parque público de vivenda en Galicia, ata chegar ás 8.000 nesta lexislatura. Na actualidade, xa están en marcha máis de 2.200 vivendas en distintas fases de execución.