Axudas destinadas á reparación dos danos causados nas vivendas e no seu enxoval doméstico polos incendios que se produciron en Galicia durante o verán de 2025(código de procedemento VI100B)
Outras axudas
-
Obxecto das axudas
Estas axudas están dirixidas a paliar os danos causados polos incendios nas vivendas e o seu enxoval doméstico.
A quén vai dirixido?
Poderán ser beneficiarias das axudas as persoas físicas propietarias ou usufrutuarias das vivendas que sufrisen danos que afecten tanto á vivenda como ao seu enxoval doméstico.
Actuacións subvencionables e contía:
- AXUDAS DIRIXIDAS Á REHABILITACIÓN E RECONSTRUCIÓN DAS VIVENDAS AFECTADAS:
-
Vivenda habitual e permanente (e instalacións complementarias)
O importe da axuda será o 100 % do valor de rehabilitación (ou de reposición no caso de ruína). O importe da axuda non poderá superar os 132.000 euros
No caso de ruína axuda poderá destinarse a reconstruír a vivenda ou adquirir unha nova.
-
Vivendas ocasionais (e instalacións complementarias)
O importe da axuda será o 100 % do valor de rehabilitación ou polo importe correspondente ao seu valor catastral, no caso de ruína. Nos casos de ruína nos que se pretenda a rehabilitación do inmoble, o importe da axuda será do 100% do valor de rehabilitación.
En calquera dos casos o importe da axuda non poderá superar os 66.000 euros.
No caso de ruína axuda poderá destinarse a reconstruír a vivenda ou adquirir unha nova.
-
Exclusións
Quedan excluídas das axudas os inmobles en estado ruinoso o abandonados antes dos incendios.
-
- AXUDAS PARA O ENXOVAL DOMÉSTICO:
- Vivendas ruinosas que constituían residencia habitual e permanente: o 100% dos gastos de reposición, co límite de 16.200 euros.
- Vivendas ruinosas que NON constituían residencia habitual e permanente: 50% dos gastos de reposición, co límite de 5.400 euros.
- Demais vivendas que constituían residencia habitual e permanente: 100% dos gastos de reposición, co límite de 7.600 euros.
- Demais vivendas que NON constituían residencia habitual e permanente: 50% dos gastos de reposición, co límite de 3.300 euros.
Procedemento:
As solicitudes atenderanse por rigorosa orde de presentación ata o esgotamento do crédito; entenderase como data de presentación aquela na que o expediente teña toda a documentación correcta que debe acompañar á solicitude.
Prazo de presentación de solicitudes: desde o 01/09/2025 ata o 28/11/2025
Forma de presentación: Presencial ou electrónica.
Prazo de resolución: 1 mes.
Prazo de execución:
As actuacións poderán estar iniciadas carácter previo á presentación da solicitude ou da resolución de concesión, sempre que se conserven fotografías e calquera outro documento que acredite o estado en que quedara a vivenda, as instalacións complementarias ou o enxoval por causa dos incendios.
No suposto de actuacións de rehabilitación na vivenda danada e/ou nas súas instalacións complementarias, o prazo para a execución das obras non poderá ser superior a vinte e catro meses, contados a partir do día seguinte ao da notificación da resolución de concesión da axuda.
Xustificación:
- Vivendas en ruína: non requirirán outra xustificación que a acreditación por calquera medio admisible en dereito da titularidade ou usufruto do inmoble previamente á concesión, sen prexuízo dos controis que se establezan para verificar esta cuestión.
- Actuacións de rehabilitación ou reparación: deberá achegar, dentro do prazo concedido na resolución de concesión, anexo III acompañado da documentación xustificativa do gasto realizado.
- Prazo para xustificar: máximo ata o 15 de decembro de cada anualidade.
Tramitación na sede electrónica da Xunta de Galicia
Normativas relacionadas
Documentos relacionados