Escoitar
A Xunta de Galicia adxudica o contrato para a redacción do proxecto e execución das obras de construción de 264 vivendas de promoción pública na Coruña
O contrato inclúe a redacción do proxecto e a dirección de obra das vivendas, que se construirán nunha parcela propiedade da Xunta no barrio de Xuxán
Adxudícase por máis de 1,2 millóns de euros
Santiago de Compostela, 2 de outubro de 2026
O consello de administración da Sociedade de Vivenda Pública de Galicia (Vipugal) autorizou hoxe a adxudicación do contrato para a redacción do proxecto e dirección de obra para a construción de 264 vivendas de promoción pública no barrio coruñés de Xuxán.
As vivendas construiranse nunha parcela propiedade da Xunta que inicialmente estaba destinada a oficinas pero cuxo uso foi cambiado a residencia por unha modificación do PXOM
O contrato adxudícase a Día & Díaz Arquitectos, por importe de 1.210.000 euros.
Na Coruña a Xunta ten en desenvolvemento un total de 1.041 vivendas de promoción pública, incluídas as 264 cuxa redacción de proxecto se licita hoxe.
Deste total, 941 constrúense en parcelas propiedade da Xunta de Galicia e as 100 restantes en parcelas cedidas polo concello.
A Xunta continúa traballando na execución do compromiso de duplicar o parque público de vivenda, acadando un total de 8.000 unidades, antes do remate de 2028, incrementándoas ata 10.000 a finais de 2030.