Compensación a persoas propietarias e arrendadoras
Outras axudas
-
Compensación a persoas propietarias e arrendadoras ás que se refiren os artigos 1 e 1 bis do Real decreto-lei 11/2020, do 31 de marzo, polo que se adoptan medidas urxentes complementarias no ámbito social e económico para facer fronte ao COVID-19
Obxecto:
Compensar as rendas e gastos correntes deixadas de percibir durante o período que media entre a suspensión extraordinaria do lanzamento e o momento en que a mesma se levante polo tribunal ou ata o 31 de decembro de 2026.
Persoas beneficiarias:
- Persoas arrendadoras afectadas polo artigo 1 da Real Decreto-lei 11/2020, do 31 de marzo, que teñan a consideración de demandantes nos xuízos verbais que versen sobre reclamación de renda ou cantidades debidas polo arrendatario, ou a expiración do prazo de duración de contratos subscritos conforme á Lei 29/1994, do 24 de novembro, de arrendamentos urbanos, que pretendesen recuperar a posesión do predio.
- Persoas propietarias afectadas polo artigo 1 bis da Real Decreto-lei 11/2020, do 31 de marzo, que teñan a consideración de demandantes nos xuízos verbais nos que se substancien as demandas ás que se refiren os apartados 2º, 4º e 7º do artigo 250.1 da Lei 1/2000, do 7 de xaneiro, de Axuizamento Civil, e de denunciantes naqueloutros procesos penais nos que se substancie o lanzamento da vivenda habitual daquelas persoas que a estean a habitar sen ningún título habilitante para iso.
Todos estes procedementos xudiciais deben ser suspendidos con carácter extraordinario e temporal ao amparo da Real Decreto-lei 11/2020 no período comprendido entre o 1 de abril de 2020 e o 31 de decembro de 2026 (prazo prorrogado pola Real Decreto-lei 16/2025, do 23 de decembro, polo que se prorrogan determinadas medidas para facer fronte a situacións de vulnerabilidade social e adóptanse medidas urxentes en materi tributaria e de Seguridade Social - artigo 1).
Contía:
- Valor medio que correspondería a un aluguer de vivenda na contorna en que se atope o inmoble. Se este valor fose superior á renda que viñese percibindo o arrendador, a compensación consistirá na renda deixada de percibir.
- Gastos correntes da vivenda que acredite asumir o arrendador.
- Prexuízo económico que lle ocasionou ao propietario que lle entrasen na vivenda ao atoparse esta ofertada en venda ou arrendamento, só nos casos de suspensión do lanzamento do artigo 1 bis da Real Decreto-lei 11/2020.
Período de aplicación da compensación
O que medie entre que se acordase a suspensión extraordinaria do artigo 1 da Real Decreto-lei 11/2020 ou ben a suspensión do lanzamento do artigo 1 bis da Real Decreto-lei 11/2020 e o momento no que a suspensión se levante polo Tribunal ou por alcanzar o límite temporal do 31 de decembro de 2026.
Prazo de presentación de solicitudes
Desde el 10 de junio de 2021 hasta el 31 de enero de 2027, ambos incluidos.
Normativas relacionadas
Documentos relacionados