Vigo. 78 vivendas de promoción pública.

• Parcela M-III B-4

A parcela na que se sitúa o Bloque 4, paralelo ao anterior, cunha superficie total de 1.903,90 m², posiciónase xunto ao viario que constitúe a circunvalación de Vigo, pechando o conxunto da alineación proxectada cara a el. A xeometría rectangular de 17 m de fondo cúrvase cara ao sur e a circunvalación, para envolver á parcela correspondente ao bloque 3, e rematar así o conxunto. As dúas esquinas exteriores da peza remátanse en chafrán. Conta cunha lonxitude no tramo principal exterior de 68,74 m, un tramo curvo de 36,69 m e un segundo tramo lonxitudinal de 14,74 m que se posiciona casi en perpendicular ao primeiro.

Ten unha superficie construída total de 9.519,20 m2, dos cales 7.615,30 m2 están sobre rasante e 1.903,90 m2 están baixo rasante. Conta cunha planta soto para prazas de aparcamento, dúas prazas de moto e instalacións; a planta baixa conta cun soportal cara a rúa de acceso, e distribúense catro portais, cuartos de instalacións e limpeza, catro locais comerciais e rochos; as tres plantas superiores contan coa mesma distribución, con catro núcleos verticais e un total de 15 vivendas en cada una e na planta ático cos mesmos núcleos de distribución vertical, e un retranqueo respecto das anteriores que se resolve con terrazas, distribúense un total de once vivendas.

O edificio disporá de 56 vivendas, 58 prazas de aparcamento, 2 prazas de moto, 56 rochos e 4 locais.

As superficies útiles e construídas totais do edificio son as que se indican no seguinte cadro extraído do proxecto: