Lugo. 76 vivendas de promoción pública

A parcela ten unha superficie total de 1.392 m2 e forma rectangular con directriz lixeiramente curva. As fachadas lonxitudinais están orientadas ao leste e oeste e os testeiros ao norte e ao sur, o norte é medianeira e o sur é fachada. Hai un desnivel cara a zona verde pública, ao leste, que oscila entre os 2 e os 4 metros.

O programa do edificio que é o seguinte: hai dúas plantas de soto, planta baixa, 8 plantas altas e un ático. Accédese ás vivendas a través dos 4 portais situados na fachada oeste, que dá á rúa C, perpendicular á avenida Paulo Fabio Máximo. Hai 4 núcleos de comunicacións verticais. Nas plantas soto están os garaxes, parte dos rochos e as instalacións; na planta baixa sitúanse o portal de acceso, o resto dos rochos, os cuartos de instalacións, a reserva de espazo para os residuos, un local comunitario, os cuartos de limpeza e un local comercial.

Nas plantas superiores están as vivendas, 9 vivendas por planta e 4 vivendas no ático. Resultan así en total 76 vivendas, 76 prazas de garaxes e 76 rochos.