Ferrol. 58 vivendas de promoción pública.

O proxecto ten por obxecto construción dun edificio de 58 vivendas de promoción pública (VPP), garaxes, rochos e locais comerciais na parcela 14 do sector PP-1-R do Bertón, Concello de Ferrol (A Coruña)

A parcela onde se situarán as vivendas de promoción pública (VPP) ten unha superficie aproximada de 1.935,00 metros cadrados.

O edificio proxectado consta dunha planta de soto destinada a garaxes, rochos e locais de instalacións, que ocupa toda a superficie parcela; planta baixa dedicada a soportais de uso público, 6 portais de acceso e locais de instalacións, reserva para o almacén de contedores do lixo, cuartos de limpeza, rochos e 4 locais comerciais; e plantas altas para uso vivenda.

A diferente profundidade edificable ao longo da mazá da lugar a un edificio con dous bloques continuos diferenciados en altura (de 4 no bloque lineal orientado ao norte e 5 plantas no bloque en “U” que da ao sur, leste e oeste).

O Bloque en “U” ten 2 portais con 12 vivendas en cada un dos extremos (portais 02 e 05) con vivendas de 1 (só no portal 05), 2 e 3 dormitorios (excepto na planta cuarta onde as de 3 dormitorios adáptanse para persoas con discapacidade e quedan con 2 dormitorios). O bloque en“U” ten outros 2 portais con 8 vivendas cada un na parte central (portais 01 e 06) nos que todas as vivendas contan con 3 dormitorios. En total proxéctanse 2 vivendas para persoas con discapacidade.

O bloque “lineal” ten 2 portais (portais 03 e 04) con 9 vivendas cada un con vivendas de 1, 2 e 3 dormitorios. Xunto co anterior suman 58 vivendas en total.

Distribución e usos por plantas:

PLANTA SOTO: Destinado a garaxes, rochos e locais de instalacións, que ocupa toda a superficie parcela. 

PLANTA BAIXA: Destinada a soportais de uso público, 6 portais de acceso e locais de instalacións, reserva para o almacén de contedores do lixo, cuartos de limpeza, rochos e 4 locais comerciais. 

PLANTA PRIMEIRA, SEGUNDA E TERCEIRA: Destinadas a 16 vivendas por cada planta (3 vivendas de 1 dormitorio, 5 vivendas de dous dormitorios e 8 vivendas de tres dormitorios en cada unha das plantas).

PLANTA CUARTA: Destinada a 10 vivendas (1 vivenda de un dormitorio, 5 vivendas de dous dormitorios e 4 vivendas de tres dormitorios).