Ferrol. 24 vivendas de promoción pública

A parcela na cal se empraza a edificación proxectada ten unha superficie de 1.303 m2, con forma irregular e fronte principal duns 72 m cara a rúa rúa As Constituíntes.  Linda ao norte coa rúa As Constituíntes, ao leste con vía pública, ao sur con fincas privadas e ao oeste cun viario peonil. O ámbito está totalmente urbanizado. A parcela ten un desnivel na súa dimensión lonxitudinal de aproximadamente 1,74 m.

O edificio proxectado consta de dúas plantas de soto para 53 prazas de garaxe, 24 rochos e cuartos de instalacións; planta baixa para soportais, 3 portais, cuartos de instalacións e servizos, 17 prazas de garaxe e un patio; e tres plantas altas para uso de vivenda, con 8 vivendas por planta. O acceso aos portais sitúase na fachada norte, dende a rúa As Constituíntes. A través do portal 1 accédese a 6 vivendas (2 por planta), mentres que dende os portais 2 e 3 se accede a 9 vivendas (3 por planta).