Rehabilitación de infravivenda (VI406A)

Rehabilitación

23/01/2026 - 03/07/2026

OBXECTO DO PROGRAMA

- Axudas a concellos de menos de 10.000 habitantes, para a reparación de infravivendas nas que residan unidades de convivencia propietarias dunha edificación ou vivenda que se encontre en mal estado de conservación e non dispoñan de recursos para acometer as obras que permitan ter as condicións mínimas de habitabilidade.

- Así mesmo, os concellos de Galicia de menos de 10.000 habitantes tamén poderán solicitar a subvención para rehabilitar infravivendas do seu patrimonio municipal coa finalidade de destinalas a solucionar os problemas de residencia de unidades de convivencia que cumpran os requisitos fixados nas bases reguladoras.

CONCELLOS BENEFICIARIOS

Os concellos con menos de 10.000 habitantes. Para estes efectos, tomaranse como referencia as últimas cifras oficiais do padrón municipal de habitantes, publicadas polo Instituto Galego de Estatística á data da publicación da resolución de convocatoria.

ACTUACIÓNS SUBVENCIONABLES

- A reforma ou rehabilitación de elementos exteriores.

- A mellora das condicións estruturais e de seguranza.

- A mellora da accesibilidade da edificación ou das vivendas.

- A mellora da habitabilidade. Inclúense dentro desta actuación a execución de obras que eviten a entrada no edificio do gas radón ou a adopción de medidas que garantan a súa eliminación do interior das vivendas.

O prazo de execución das obras virá fixado na resolución de concesión da subvención, sen que en ningún caso poida exceder de seis meses, contados a partir do día seguinte ao da súa notificación.

CONTÍA DA SUBVENCIÓN