Escoitar
Programa de axudas para a adquisición de vivenda na Comunidade Autónoma de Galicia (VI501A)
Adquisición de vivenda
-
Prazo de solicitude
Prazo aberto
ACCESO AO PROCEDEMENTO VI501A NA SEDE ELECTRÓNICA DA XUNTA DE GALICIA
Os datos que figuran a continuación son orientativos. A información completa debe consultarse na normativa reguladora das axudas.
- Obxecto
-
Aprobar as bases reguladoras e convocar para a anualidade 2026 o Programa de axudas para a adquisición de vivenda na Comunidade Autónoma de Galicia, que comprende as seguintes modalidades:
-
Modalidade A: Adquisición de vivendas situadas no ámbito dun centro histórico.
-
Modalidade B: Adquisición de vivendas cualificadas definitivamente como vivenda protexida de protección autonómica de réxime xeral, especial ou concertado, en primeira transmisión.
-
- Persoas beneficiarias
-
- Modalidade A
-
-
Posuír a nacionalidade española ou a dalgún dos Estados membros da Unión Europea ou do Espazo Económico Europeo, Suíza, ou o parentesco determinado pola normativa que lle sexa de aplicación. No caso de estranxeiros non comunitarios, deberán contar con autorización de estancia ou residencia en España.
-
Ter subscrito con posterioridade ao 15 de outubro de 2025 un contrato privado ou, de ser o caso, unha escritura pública de adquisición dunha vivenda que cumpra os requisitos establecidos nestas bases.
-
Que a persoa solicitante e as demais persoas integrantes da súa unidade de convivencia estean empadroadas na vivenda adquirida no momento de presentación da correspondente solicitude, para o caso de dispoñer de escritura pública formalizada con anterioridade á referida data. Non obstante, o requisito do empadroamento só será esixible no momento da finalización das obras, para o suposto de que fora necesaria a súa rehabilitación.
-
Que os ingresos anuais das persoas que compoñen a unidade de convivencia sexan iguais ou inferiores a 6,5 veces o IPREM.
-
Que a persoa solicitante e as demais persoas integrantes da súa unidade de convivencia se atopen ao día das súas obrigas tributarias estatais e autonómicas e coa Seguridade Social e non teñan pendente ningunha outra débeda, por ningún outro concepto, coa Administración pública da Comunidade Autónoma.
-
Que nin a persoa solicitante nin as demais persoas integrantes da súa unidade de convivencia estean incursas nalgunha das circunstancias previstas no artigo 10.2 da Lei 9/2007, do 13 de xuño.
-
Que nin a persoa solicitante nin ningunha das persoas integrantes da súa unidade de convivencia sexan propietarias ou usufrutuarias dalgunha vivenda en territorio español. Para estes efectos, non se considerará que se posúe a propiedade ou o usufruto dunha vivenda se o dereito recae unicamente sobre unha parte alícuota desta e foi obtido por herdanza ou transmisión mortis causa sen testamento. Exceptuaranse deste requisito aquelas persoas que, sendo titulares dunha vivenda, acrediten non ter a súa dispoñibilidade por causa de separación ou divorcio, non poidan habitala por calquera outra causa allea á súa vontade ou cando a vivenda resulte inaccesible por razón de discapacidade da persoa solicitante ou de calquera membro da súa unidade de convivencia.
Tamén poderán solicitar a axuda aquelas persoas que, tendo presentada unha solicitude de subvención para a adquisición de vivenda na convocatoria do ano 2025, lles fose denegada por esgotamento do crédito. Neste caso deberán cumprir todos os requisitos sinalados, excepto o referido á data de adquisición da vivenda.
-
- Modalidade B
-
-
Posuír a nacionalidade española ou a dalgún dos Estados membros da Unión Europea ou do Espazo Económico Europeo, Suíza, ou o parentesco determinado pola normativa que lle sexa de aplicación. No caso de estranxeiros non comunitarios, deberán contar con autorización de estancia ou residencia en España.
-
Ter subscrito con posterioridade ao 15 de outubro de 2025 un contrato privado ou, de ser o caso, unha escritura pública de adquisición dunha vivenda que cumpra os requisitos establecidos nas bases. O contrato privado deberá estar visado pola área provincial do IGVS onde estea situada a vivenda ou, de ser o caso, a escritura pública deberá conter as cláusulas obrigatorias derivadas da cualificación definitiva da vivenda.
-
Que a persoa solicitante e as demais persoas integrantes da súa unidade de convivencia estean empadroadas na vivenda adquirida no momento de presentación da correspondente solicitude, para o caso de dispoñer de escritura pública formalizada con anterioridade á referida data.
-
Ter cumprido o requisito de ingresos que esixa a normativa reguladora das vivendas protexidas vixente no momento da súa adquisición.
-
Que a persoa solicitante e as demais persoas integrantes da súa unidade de convivencia se atopen ao día das súas obrigas tributarias estatais e autonómicas e coa Seguridade Social e non teñan pendente ningunha outra débeda, por ningún outro concepto, coa Administración pública da Comunidade Autónoma.
-
Que nin a persoa solicitante nin as demais persoas integrantes da súa unidade de convivencia estean incursas nalgunha das circunstancias previstas no artigo 10.2 da Lei 9/2007, do 13 de xuño.
-
Que nin a persoa solicitante nin ningunha das persoas integrantes da súa unidade de convivencia sexan propietarias ou usufrutuarias dalgunha vivenda en territorio español. Para estes efectos, non se considerará que se posúe a propiedade ou o usufruto dunha vivenda se o dereito recae unicamente sobre unha parte alícuota desta e foi obtido por herdanza ou transmisión mortis causa sen testamento. Exceptuaranse deste requisito aquelas persoas que, sendo titulares dunha vivenda, acrediten non ter a súa dispoñibilidade por causa de separación ou divorcio, non poidan habitala por calquera outra causa allea á súa vontade ou cando a vivenda resulte inaccesible por razón de discapacidade da persoa solicitante ou de calquera membro da súa unidade de convivencia.
-
A persoa beneficiaria deberá ser adquirente ou adxudicataria, en primeira transmisión, e ter acreditado no correspondente expediente o cumprimento dos requisitos de acceso a unha vivenda protexida esixidos pola normativa reguladora destas vivendas.
Tamén poderán solicitar a axuda aquelas persoas que, tendo presentada unha solicitude de subvención para a adquisición de vivenda na convocatoria do ano 2025, lles fose denegada por esgotamento do crédito. Neste caso deberán cumprir todos os requisitos sinalados, excepto o referido á data de adquisición da vivenda.
-
- Requisitos das vivendas adquiridas
-
- Modalidade A
-
Para poder acceder ás axudas é preciso que:
-
A vivenda xa estea construída no momento da presentación da solicitude. Para estes efectos, admitiranse tanto as vivendas novas como as usadas.
-
A vivenda estea situada no ámbito dun centro histórico dos citados no anexo da Orde do 1 de marzo de 2018 pola que se determinan os centros históricos.
-
Os prezos de adquisición non superen os seguintes límites:
-
No caso de que a vivenda estea situada no ámbito dun centro histórico dos concellos de A Coruña, Ferrol, Santiago de Compostela, Lugo, Ourense, Pontevedra e Vigo, o prezo non deberá superar o prezo máximo previsto para as vivendas de protección autonómica de réxime concertado nos municipios de prezo máximo superior, á data da publicación da convocatoria, computando unha superficie útil de 120 m2 e sen incluír os gastos e tributos inherentes a dita adquisición. Este prezo máximo incrementarase nun 8% no suposto de dispoñer de garaxe e, nun 2%, no suposto de dispoñer de rocho.
-
No caso de que a vivenda estea situada no ámbito dun centro histórico dos concellos non sinalados no parágrafo anterior, o prezo non deberá superar o prezo máximo previsto á data da publicación da convocatoria, para as vivendas de protección autonómica de réxime concertado situadas na zona I da Resolución de 2 de marzo de 2026, pola que se fai público o Acordo do Consello da Xunta de Galicia do 23 de febreiro de 2026, computando unha superficie útil de 120 m2, e sen incluír os gastos e tributos inherentes a dita adquisición. Este prezo máximo incrementarase nun 8% no suposto de dispoñer de garaxe, e nun 2%, no suposto de dispoñer de rocho.
-
-
- Modalidade B
-
Para poder acceder ás axudas é preciso que:
-
A vivenda xa estea construída no momento da presentación da solicitude. Ademais, ten que tratarse dunha adquisición en primeira adxudicación ou transmisión.
-
A vivenda teña sido cualificada definitivamente como vivenda protexida de protección autonómica de réxime xeral, especial ou concertado.
-
O prezo máximo sexa o previsto na cualificación definitiva.
-
- Contía das axudas
-
- Modalidade A
-
A contía máxima da axuda terá o límite do 20% do prezo de adquisición da vivenda, sen incluír os gastos e tributos inherentes a esa adquisición.
A contía máxima da axuda será a seguinte:
-
Ata 12.800 euros por vivenda, no suposto de vivendas adquiridas por persoas menores de 36 anos.
-
Ata 10.800 euros, no caso de vivendas adquiridas por persoas con idade igual ou maior de 36 anos.
-
No suposto de vivendas situadas nun ámbito declarado Área Rexurbe, a contía da axuda será de 15.000 euros por vivenda.
No suposto de adquisición da propiedade da vivenda por máis dunha persoa, o importe da axuda que puidese recibir a persoa beneficiaria determinarase aplicando a porcentaxe de cota adquirida ao importe do 100% da vivenda.
-
- Modalidade B
-
A contía máxima da axuda terá o límite do 20% do prezo de adquisición da vivenda, sen incluír os gastos e tributos inherentes a esa adquisición.
A contía máxima da axuda será a seguinte:
-
No caso de vivendas situadas en municipios de prezo máximo superior:
-
Ata 20.000 euros por vivenda, no suposto de vivendas adquiridas por persoas menores de 36 anos.
-
Ata 16.000 euros, no caso de vivendas adquiridas por persoas con idade igual ou maior de 36 anos.
-
-
No caso de vivendas situadas nos restantes municipios de Galicia:
-
Ata 16.000 euros, no suposto de vivendas adquiridas por persoas menores de 36 anos.
-
Ata 12.000 euros, no caso de vivendas adquiridas por persoas con idade igual ou maior de 36 anos.
-
No suposto de adquisición da propiedade da vivenda por máis dunha persoa, o importe da axuda que puidese recibir a persoa beneficiaria determinarase aplicando a porcentaxe de cota adquirida ao importe do 100% da vivenda.
-
- Prazo de presentación das solicitudes
-
Desde o 15.04.2026 ás 09.00 horas ata o 15.10.2026 ás 14.00 horas.
- Forma de presentación das solicitudes
-
As solicitudes presentaranse preferiblemente por vía electrónica a través do formulario normalizado dispoñible na sede electrónica da Xunta de Galicia (https://sede.xunta.gal).
Opcionalmente, poderanse presentar presencialmente en calquera dos lugares e rexistros establecidos na normativa reguladora do procedemento administrativo común.
- Procedemento de concesión
-
Concorrencia non competitiva
- Prazo de resolución
-
O prazo máximo para ditar e notificar a resolución do procedemento será de tres meses, contados desde a data de presentación da solicitude.
Normativa relacionada
Documentos relacionados