Programa de axudas de rehabilitación de vivendas no rural (VI435E)

Rehabilitación
-

acceso ao procedemento vI435E na Sede electrónica da Xunta de Galicia

Obxecto

Estas subvencións están dirixidas a prestar apoio ao financiamento ás obras de rehabilitación, terminación e/ou ampliación que se realicen en vivendas sitas en concellos da Comunidade Autónoma de Galicia de menos de 5.000 habitantes, así como ás actuacións dirixidas ao cambio de uso de locais e entreplantas situados nos mesmos, para destinalos a residencia habitual e permanente das persoas propietarias e/ou usufrutuarias ou a alugueiro.

Persoas beneficiarias

Persoas físicas propietarias ou usufrutuarias dos inmobles situados en concellos de menos de 5.000 habitantes e que acrediten ingresos non superiores a 6,5 veces o IPREM.

No suposto de que as vivendas se vaian a destinar ao alugueiro:

  • non será de aplicación o citado límite de ingresos.

  • só se poderán conceder un máximo de tres axudas por persoa solicitante.

No suposto de que a propiedade ou usufruto do inmoble corresponda a máis dunha persoa, só se admitirá unha solicitude por inmoble.

Non se poderán solicitar axudas para os inmobles xa subvencionados en convocatorias anteriores por este programa.
 

Actuacións subvencionables

  1. Obras de rehabilitación, terminación e/ou ampliación de vivendas.

  2. Actuacións dirixidas ao cambio de uso de locais e entreplantas para destinalos a vivenda.

    Dentro das actuacións de rehabilitación, enténdense incluídas:

    • as de accesibilidade,

    • conservación,

    • habitabilidade,

    • sustentabilidade

    • eficiencia enerxética das vivendas,

    • actuacións para a medición e a execución de obras que eviten a entrada do gas radón ou a adopción de medidas que garantan a súa eliminación do interior das vivendas.

    Inclúense:

    • os honorarios dos profesionais que interveñan;

    • os informes técnicos e certificados necesarios;

    • os gastos derivados da tramitación administrativa e outros gastos xerais similares, sempre que todos eles estean debidamente xustificados.

    • custe da redacción dos proxectos

    • os gastos derivados de impostos, taxas e tributos.

Prazo de execución

Será o que se determine na resolución de concesión, sen que poida exceder de 18 MESES.

Destino das vivendas

  1. Residencia habitual e permanente das persoas propietarias e/ou usufrutuarias. O requisito do empadroamento comprobarase no momento da xustificación final das obras.

  2. Alugueiro: a vivenda incorpórase ao Programa Fogar Vivo. Os contratos de alugamento deben cumprir os seguintes requisitos:

    • Que se sometan á lexislación de arrendamentos urbanos para uso de vivenda habitual e permanente durante todo o tempo do contrato.

    • Que a/s persoa/s arrendataria/s non teña/n vínculo de parentesco de consanguinidade dentro do cuarto grao ou de afinidade dentro do segundo coa persoa arrendadora.

    •  Que teña unha renda mensual durante o primeiro ano de alugamento que non supere os importes previstos para o programa Fogar Vivo, en función do concello en que estea situada a vivenda:

Zona Territorial

Importe da renda mensual de alugamento (euros)

Concellos

Zona 4

550

Neda

Cervo

A Rúa, Ribadavia.

Illa de Arousa, , Pontecesures.

Zona 5

450

O resto dos concellos de Galicia.
Contía da subvención

  • 75% do orzamento protexido das obras

  • Límite: 30.000 euros por vivenda
Prazo de presentación de solicitudes

Desde as 9.00 horas do 21/01/2026 ata as 14.00 horas do 01/09/2026

Forma de presentación de solicitudes

presencial/ electrónica 

Información

  • AREA PROVINCIAL IGVS A CORUÑA ..............................881 881 096 – rehabilitacion.igvs.coruna [at] xunta.gal (rehabilitacion[dot]igvs[dot]coruna[at]xunta[dot]gal)

  • AREA PROVINCIAL IGVS LUGO......................................… 982 294 942 – vpa.igvs.lugo [at] xunta.gal (vpa[dot]igvs[dot]lugo[at]xunta[dot]gal)

  • AREA PROVINCIAL IGVS OURENSE..............................….988 386 268 – igvs.ourense [at] xunta.gal (igvs[dot]ourense[at]xunta[dot]gal)

  • AREA PROVINCIAL IGVS PONTEVEDRA.........................986 805 610 – subvencions.igvs.pontevedra [at] xunta.gal (subvencions[dot]igvs[dot]pontevedra[at]xunta[dot]gal)

  • SERVIZOS CENTRAIS IGVS...............................................…..981 541 982 / 981 957 529

Normativa relacionada

RESOLUCIÓN do 22 de decembro de 2025, pola que se establecen as bases reguladoras aplicables á concesión das subvencións do programa de axudas de rehabilitación de vivendas no rural e se procede a súa convocatoria para o ano 2026, con carácter plurianual (código de procedemento VI435E)EXTRACTO da RESOLUCIÓN do 22 de decembro de 2025, pola que se establecen as bases reguladoras aplicables á concesión das subvencións do programa de axudas de rehabilitación de vivendas no rural e se procede a súa convocatoria para o ano 2026, con carácter plurianual (código de procedemento VI435E)CORRECCIÓN DE ERROS. Resolución do 22 de decembro de 2025 pola que se establecen as bases reguladoras aplicables á concesión das subvencións do programa de axudas de rehabilitación de vivendas no rural e se procede a súa convocatoria para o ano 2026, con carácter plurianual, tramitada como anticipado de gasto (código de procedemento VI435

Documentos relacionados

ANEXO VI concellos de menos de 5.000 habitantesCadro resumo