Portal IGVS

Persoas beneficiarias

Poderán ser beneficiarias das axudas de este programa, con independencia de que se trate de persoas físicas ou xurídicas de natureza privada:

• Propietarias ou usufrutuarias de:
  • vivendas unifamiliares illadas ou agrupadas en fila.
  • edificios de tipoloxía residencial de vivenda colectiva.
  • vivendas incluídas nun edificio de tipoloxía residencial de vivenda colectiva.
• Comunidades de propietarios ou as agrupacións de comunidades de propietarios, constituídas conforme ao disposto polo artigo 5 de la Lei de Propiedade Horizontal.
• Sociedades cooperativas de vivendas integradas por socios cooperativistas que precisen aloxamento para si ou os seus familiares
• Sociedades cooperativas compostas de forma agrupada por propietarios de vivendas ou edificios que reúnan os requisitos establecidos no artigo 396 do Código Civil
• Propietarios que conforman comunidades de propietarios ou agrupacións de comunidades de propietarios, constituídos conforme ao disposto no artigo 5 de la Lei 49/1960.
• Propietarios que, de forma agrupada sexan propietarios de edificios, que reúnan os requisitos establecidos polo artigo 396 do Código Civil e non tiveran outorgado o título constitutivo de propiedade horizontal.
• Empresas construtoras, arrendatarias ou concesionarias dos edificios, así como cooperativas, que acrediten dita condición mediante contrato vixente a suficiente prazo coa propiedade, que lles outorgue a facultade expresa para acometer as obras de rehabilitación obxecto do programa
• Persoas arrendatarias de vivendas, no suposto de que as obras ou actuacións non sexan de obrigada execución pola persoa propietaria e ambas partes acorden que a arrendataria costee ao seu cargo as actuacións de mellora da accesibilidade, con cargo a parte ou á totalidade da renda arrendaticia

Requisitos das vivendas

• Vivendas unifamiliares illadas ou agrupadas en fila
• Estar finalizadas antes de 2006.
• Domicilio habitual e permanente dos seus propietarios, usufrutuarios ou arrendatarios no momento de solicitar as axudas.
• Edificios de vivendas de tipoloxía residencial colectiva
• Estar finalizadas antes de 2006.
• Que polo menos, o 50 % da súa superficie construída sobre rasante, excluída a planta baixa ou plantas inferiores se ten ou teñen outros usos compatibles, teña uso residencial de vivenda.
• Que, polo menos, el 30 % das vivendas constitúan o domicilio habitual dos seus propietarios, usufrutuarios ou arrendatarios no momento de solicitar as axudas. Este requisito non será aplicable nos seguintes casos:
  • Cando se trate de propietario/a único/a que tivera que proceder ao realoxo das persoas inquilinas para realizar as obras de mellora da accesibilidade, en cuxo caso deberá xustificar esta circunstancia e o compromiso de destinar as vivendas obxecto de mellora na súa accesibilidade a domicilio habitual das persoas arrendatarias na referida porcentaxe.
  • Cando se trate dun inmoble onde se encontre o domicilio habitual dunha persoa con discapacidade física que, debido á falta de accesibilidade nas zonas comúns, se encontre confinada na súa vivenda.
• Que as actuacións conten co acordo da comunidade e coa autorización administrativa correspondente
• Vivendas emprazadas en edificios de tipoloxía residencial colectiva para as que se solicite de forma independente a axuda
• Estar finalizadas antes de 2006.
• Domicilio habitual e permanente dos seus propietarios, usufrutuarios ou arrendatarios no momento de solicitar as axudas.

Actuacións subvencionables

1. a) A instalación de ascensores, salvaescaleiras, ramplas, automatismos para a apertura de portas incorporando mecanismos motorizados ou outros dispositivos de accesibilidade, así como calquera medida de accesibilidade que facilite a autonomía e a vida independente de persoas con mobilidade reducida, tanto en edificios como en vivendas unifamiliares, incluíndo os dispositivos adaptados ás necesidades de persoas con discapacidade sensorial ou intelectual, así como a súa adaptación, unha vez instalados, á normativa sectorial correspondente. Inclúese a integración mediante un único mecanismo de identificación (teléfono intelixente, cámaras, pantallas ou outros dispositivos tecnolóxicos equivalentes en canto á súa funcionalidade) dos sistemas de apertura e control de accesos e doutros sistemas que necesiten control persoal e a adaptación, cando existan, a altura non superior a 1,40 m dos dispositivos xa instalados.
2. b) A instalación ou dotación de produtos de apoio tales como guindastres ou artefactos análogos, así como sistemas tecnolóxicos de guiado que permitan a localización, que permitan o acceso e uso por parte das persoas con discapacidade a elementos comúns do edificio no seu caso, tales como xardíns, zonas deportivas, piscinas e outros similares.
3. c) A instalación de elementos de información, de comunicación ou de aviso tales como sinais luminosos e visuais, vibrotáctiles ou sonoras que permitan a orientación no uso de escaleiras, ascensores e do interior das vivendas. En particular a instalación de elementos que melloren a accesibilidade e seguridade no uso dos ascensores, como a comunicación bidireccional en cabina.
4. d) A instalación de produtos de apoio á audición para a accesibilidade no contorno, como os bucles magnéticos.
5. e) A instalación de elementos ou dispositivos electrónicos de comunicación entre as vivendas e o exterior, tales como videoporteiros que proporcionan información visual e auditiva e análogos.
6. f) A instalación de dispositivos de alarma no ascensor que garantan un sistema de comunicación visual, auditiva e bidireccional co exterior para os casos de emerxencia ou atrapamento. Así como a instalación de bucle magnético nos devanditos dispositivos.
7. g) A instalación domótica e doutros avances tecnolóxicos para favorecer a autonomía persoal de persoas maiores ou con discapacidade.
8. h) Calquera intervención que facilite a accesibilidade universal nos espazos do interior das vivendas (unifamiliares, agrupadas en fila ou en edificios de tipoloxía residencial colectiva) ou nos propios edificios de tipoloxía residencial colectiva obxecto deste programa, así como nas súas vías de evacuación. Inclúense obras dirixidas á ampliación de espazos de circulación dentro da vivenda que cumpran coas condicións do Código Técnico da Edificación no referido a vivenda accesible, así como para mellorar as condicións de accesibilidade en baños e cociñas, así como as modificacións e adaptacións necesarias e adecuadas ás necesidades específicas das persoas con discapacidade que habitan as vivendas. Inclúense así mesmo as obras necesarias e complementarias sobre elementos directamente relacionados coa actuación de mellora de accesibilidade universal e cuxo mal estado de conservación aconselle a intervención.
9. i) Calquera intervención que mellore o cumprimento dos parámetros establecidos no Documento Básico do Código Técnico da Edificación DB- SUA, Seguridade de utilización e accesibilidade. En particular a instalación de elementos que melloren a accesibilidade e seguridade de utilización nos ascensores, como a mellora da nivelación da cabina.

As actuacións non poderán estar iniciadas con anterioridade ao 1 de xaneiro de 2022 nin finalizadas antes da publicación da resolución no DOG.

Contía das axudas

A contía máxima das axudas non poderá superar o 60 % do custe, cos seguintes límites. A porcentaxe poderá acadar o 80 % se na vivenda ou no edificio resida unha persoa con discapacidade ou maior de 65 anos.

• Vivendas unifamiliares illadas ou agrupadas en fila:
  • 12.500 euros por vivenda con carácter xeral
• Edificios de vivendas de tipoloxía residencial colectiva:
  • 9.000 euros por vivenda e 90 euros por metro cadrado de superficie construída de local comercial ou outros usos compatibles, sempre que participen no financiamento dos custes da actuación
• Vivendas incluídas nun edificio de tipoloxía residencial de vivenda colectiva
  • 6.000 euros por vivenda
• Nos tres casos (unifamiliares, edificios e vivendas en edificios colectivos) a axuda incrementase:
  • ata 15.000 euros por vivenda se reside unha persoa con discapacidade
  • ata 18.000 euros por vivenda se esta acredita un grao de discapacidade recoñecido igual ou superior ao 33 %.
• Edificios ou vivendas BIC, catalogados ou con algúns nivel de protección
  • os importes indicados nos apartados anteriores poderán incrementarse en 3.000 euros

O custo das actuacións subvencionables poderá incluír os honorarios dos profesionais que interveñen, o custo da redacción dos proxectos no seu caso, informes técnicos e certificados necesarios, os gastos derivados da tramitación administrativa e tributos, sempre que todos eles estean debidamente xustificados.

Prazo de execución de obras

• O prazo para cada obra fixarase na resolución de concesión e non poderá exceder:
  • 12 meses en vivendas unifamilliares
  • 24 meses en edificios de tipoloxía residencial colectiva
• No caso de demora na licencia, o prazo poderá incrementarse no tempo de demora da licencia, cun máximo de doce meses
• Deberán estar rematadas antes do 28/10/2024

Prazo de presentación de solicitudes

Estará aberto dende o primeiro día hábil seguinte á publicación da resolución no Dog e ata o 7 de novembro de 2022

Crédito orzamentario

O programa estará dotado con 4.324.756 euros. A contía poderá ser obxecto de ampliación.