Portal IGVS

Venda solo empresarial do IGVS

A Xunta oferta en venda 226.929,04 m² de solo empresarial con bonificacións do 30 ou 50% do prezo de venda.

Na convocatoria deste ano inclúense 17 parques empresariais xestionados polo IGVS nos que se oferta un total de 84 parcelas urbanizadas

O Diario Oficial de Galicia de data 26/02/2024 publicou a resolución pola que se anuncia un novo concurso de venda de solo empresarial con bonificacións de ata o 50% nos parques que xestiona o Instituto Galego da Vivenda e Solo (IGVS).

Ofértanse un total de 84 parcelas, en 17 parques empresariais. A superficie total das parcelas é de 226.929,04 metros cadrados

O IGVS oferta a venda das parcelas cun desconto do 30% ou 50%, dependendo da localización do parque. O importe máximo das bonificacións que ofrece a Xunta para adquirir estas 84 parcelas ascende a 4,52 millóns de euros.

No caso de que algún dos terreos dispoñibles non se venda no marco do concurso, o IGVS poderá adxudicalos de forma directa ben en venda -nas mesmas condicións do concurso- ben en réxime de dereito de superficie, o que implica o pago dun canon anual con opción de compra.