A PROMOCIÓN DE VIVENDA PROTEXIDA REALIZADA POR COOPERATIVAS
Plan de Vivenda 2009-2012

PROCEDEMENTO

I) As cooperativas

II) Pasos para seguir

III) Cumprimento dos requisitos para acceder ás axudas

I) AS COOPERATIVAS DE VIVENDAS PROTEXIDAS

¿Que é unha cooperativa de vivendas?
É unha asociación de persoas que se xuntan para desenvolver un proxecto inmobiliario distribuíndo proporcionalmente os  gastos e os ingresos que produzan entre a totalidade dos socios, segundo se fixe nos estatutos que rexen a sociedade cooperativa e cuxo obxecto social é proporcionarlles vivendas ou locais aos seus propios socios.

¿Como funcionan as cooperativas de vivendas?

Os propios socios da cooperativa son os promotores das vivendas que lles serán adxudicadas a súa finalización.
As cooperativas adoitan designar unha entidade xestora qué é a encargada de realizar as xestións e os traballos necesarios para a construción das vivendas.
Antes de facerse socio dunha cooperativa debe comprobar:
- Que esté inscrita no Rexistro de Cooperativas.
- A copia dos estatutos, analizando os dereitos e deberes para facerse socio.
- A titularidade do solo, o proxecto e o seu coste.

Lexislación aplicable : Lei 5/ 1998 de 18 de decembro, de Cooperativas de Galicia.

Ir ao comezo

II) PASOS A SEGUIR

1º paso: Incorporación nunha Cooperativa de vivendas.

2º paso: A cooperativa, ten que solicitar a cualificación provisional das vivendas como protexidas mediante a presentación do modelo de solicitude que aparece na paxina web do Instituto galego da Vivenda e Solo (IGVS) (www.igvs.es), e achegar a documentación que nel se indica (pódese obter máis información no folleto “A promoción de vivendas protexidas”).

A cooperativa ten que presentar a relación de todos os seus socios, incluídos os de reserva.
Respecto deles indicará o seu nome e apelidos, o seu número de identificación fiscal e a documentación que permita comprobar que cumpren as condicións que se esixan para acceder á vivenda protexida.

Todos os socios que se admitan na cualificación provisional cumprirán os requisitos, os restantes quedarán fora. Para ditar esta cualificación polo menos deben cubrirse o 80% das vivendas.

Se a cooperativa non cubre o 100% das vivendas ten que solicitar socios ao Rexistro de Demandantes.

3º paso: Adxudicación da vivenda ao socio cooperativista.

Unha vez adxudicada a vivenda, ten que asinar o contrato correspondente e a xestora remitirallo ao IGVS para que extendan o visado.

Ir ao comezo

III) Cumprimento dos requisitos para acceder ás vivendas

Para acceder ás vivendas ten que cumprir os seguintes requisitos:

1) Non ser titular do pleno dominio ou dun dereito real de uso ou de desfrute sobre algunha  vivenda suxeita a protección pública en España.

2)Tampouco poderá ser titular dunha vivenda libre, salvo que fora privado do seu uso por causas que non lle fosen imputables ou cando o valor da vivenda ou o dereito sobre a mesma, determinado segundo o imposto de transmisións patrimoniais, exceda do 40% do prezo da vivenda que pretende construír. Este límite pasará a ser do 60% nos seguintes supostos:
- Persoas maiores de 65 anos, persoas dependentes ou con discapacidade recoñecida e as familias que as teñan ao seu cargo.
- Familias numerosas, familias monoparentais con fillos, persoas separadas ou divorciadas ao corrente do pago de pensións alimenticias ou compensatorias.
- Mulleres vítimas de violencia de xénero e vítimas do terrorismo.
3) Que a persoa beneficiaria resida ou desenvolva a súa actividade laboral nun municipio da comunidade autónoma de Galicia.
4)Ten que ter uns ingresos mínimos (0,7 IPREM) (ver cantidade equivalente na ficha de prezos e ingresos)
5) Non superar os ingresos familiares máximos dependendo do tipo de vivenda que teña (Réxime Especial 2,5 veces o IPREM, Réxime Xeral 4,5 veces o IPREM ou Réxime Concertado 6,5 veces IPREM).

Procedemento para o cálculo dos ingresos familiares :

Para o cálculo dos ingresos ponderados súmanse as casillas 455 e 465 da última declaración da renda co prazo de presentación vencido.
Se algún membro da unidade familiar ten discapacidade ou a vivenda está situada nun ATPMS computará como se houbera un membro máis.

Cadro de equivalencias IPREM/ euros: Consúlteo na ficha de ingresos e prezos

Ir ao comezo