Portal IGVS

Persoas beneficiarias

Poderán beneficiarse destas axudas as persoas físicas maiores de idade que, con carácter xeral,  cumpran os seguintes requisitos:

• Ter menos de 35 anos, incluída a idade de 35 anos, na data de presentación da solicitude de subvención ou no momento da subscrición do contrato privado ou da escritura pública de compravenda, cando esta se realice antes da publicación da correspondente convocatoria.
• Posuír a nacionalidade española ou a dalgún dos Estados membros da Unión Europea ou do Espazo Económico Europeo, Suiza, ou o parentesco determinado pola normativa que sexa de aplicación. No caso de persoas estranxeiras non comunitarias deberán contar con autorización de estancia ou residencia en España.
• Que as rendas anuais das persoas que compoñen a súa unidade de convivencia sexan iguais ou inferiores a 3 veces o indicador público de renda de efectos múltiples (en diante, IPREM). Este límite será de 4 ou 5 veces o IPREM se concorren as circunstancias específicas previstas nas bases reguladoras e na resolución de convocatoria.
• Ter adquirida unha vivenda con posterioridade ao 15 de novembro de 2022 mediante contrato privado ou escritura pública de compravenda.
• No caso de dispoñer de escritura pública, que a persoa solicitante e a súa unidade de convivencia estean empadroadas na vivenda adquirida no momento de presentacion da solicitude.
• Que nin a persoa solicitante nin ningunha das persoas integrantes da súa unidade de convivencia sexan propietarias ou usufrutuarias dalgunha vivenda en España, agás excepcións.

Requisitos das vivendas subvencionadas

• Estar situadas en concellos da Comunidade Autónoma de Galicia cunha poboación igual ou inferior a 10.000 habitantes.
• Que o seu prezo de adquisición, incluídos os seus anexos, sen os gastos e tributos inherentes a ela, sexa igual ou inferior a 120.000 €.
• Que se trate dunha vivenda xa construída. Para estes efectos, admitiranse tanto as vivendas novas como as usadas.

Contía das axudas

A contía da axuda será de ata 10.800,00€ por vivenda, co límite do 20% do prezo de venda, sen incluír os gastos e tributos correspondentes.

Adquisición de vivendas por varias persoas conxuntamente

Neste suposto, cada unha das persoas adquirentes da vivenda deberá presentar unha solicitude.

A contía da axuda será proporcional á súa porcentaxe de participación na compra da vivenda.

Prazo de presentación de solicitudes

O prazo de presentación de solicitudes remata o 31 de outubro de 2023.