Portal IGVS

Obxecto

O plan de dinamización é un instrumento de planificación que, no marco dunha área Rexurbe, formulará un programa plurianual referido á totalidade do ámbito ou a algunhas das súas áreas, no que se integran actuacións a nivel arquitectónico dirixidas a fomentaren políticas de rehabilitación de edificios e vivendas e a mellora do espazo público con outras a nivel económico e social. 

O seu obxecto é coordinar as actuacións públicas e privadas destinadas á dinamización e á rexeneración destes ámbitos, co impulso da recuperación da actividade económica, o fomento da mellora da habitabilidade das vivendas e das condicións de vida das persoas residentes, a procura de atraer novos habitantes e mais a garantía da conservación dos valores patrimoniais do conxunto e dos seus elementos singulares.

Contido

Os plan de dinamización conterá, cando menos, as seguintes determinacións:

a) A delimitación do ámbito obxecto da actuación, que poderá ser continuo ou descontinuo, de acordo co establecido na declaración da área.

b) A descrición dos obxectivos que se perseguen coa formulación do plan.

c) A análise do ámbito de actuación e a diagnose dos problemas existentes que obstaculicen ou impidan a súa rexeneración, que debe abarcar, como mínimo, os seguintes aspectos:

            1º. O estudo da edificación existente.

            2º. O estudo das dotacións e dos equipamentos.

            3º. O estudo dos espazos libres, de carácter público e privado.

            4º.A análise da poboación residente.

            5º. A análise das actividades económicas.

            6º.  O estudo do comercio de proximidade.

d) A proposta de intervención.

e) A memoria de viabilidade económica.

f) A análise da eventual eficacia das medidas propostas.

g) O programa de seguimento e de avaliación anual das actuacións.

h) Os mecanismos para fomentar a participación social da poboación e das súas entidades representativas.

Tramitación

A tramitación do plan de dinamización axustarase ao seguinte procedemento:

a) O concello elaborará o proxecto do plan de dinamización.

b) O IGVS unha vez recibida a documentación, remitirá os documentos os distintos departamentos da Xunta de Galicia afectados polo plan para a emisión do informe no prazo de un mes.

c) Recibidos os informes, o IGVS propoñerá ao concello, de ser o caso, as correccións que se deberán introducir no documento.

d) Despois disto, o plan será sometido á aprobación do Consello da Xunta de Galicia, a proposta da consellería competente en materia de vivenda.

e) O acordo publicarase no DOG e na páxina web do IGVS.