Portal IGVS

Á Dirección Técnica de Solo Residencial correspóndelle o exercicio das seguintes funcións:

1. A proposta das disposicións normativas precisas relativas ás competencias en materia de solo residencial do IGVS.
2. A proposta, a elaboración e a xestión dos programas de actuación en materia de planificación e desenvolvemento de solo residencial.
3. A xestión e a supervisión dos correspondentes instrumentos urbanísticos, de ordenación do territorio, xestión e desenvolvemento de solo residencial, proxectos de urbanización, así como dos expedientes de expropiación oportunos para a consecución dos fins do IGVS.
4. A xestión da adquisición, cesión e alleamento de solo destinado aos fins do IGVS.
5. A elaboración dos pregos de prescricións técnicas necesarios para todas as actuacións relacionadas co solo residencial, incluídas as de adquisición, constitución de dereitos e alleamento do solo residencial do IGVS, así como a emisión dos informes técnicos de avaliación das ofertas.
6. A emisión de informes relativos aos aspectos técnicos e urbanísticos dos documentos de declaración de áreas de rehabilitación integral (ARI) e áreas de rexeneración urbana de interese autonómico (Rexurbe) e a coordinación das actuacións e criterios técnicos dos servizos técnicos provinciais nestes campos.
7. A coordinación e o seguimento das encomendas, encargos ou convenios asinados con sociedades urbanísticas, empresas ou sociedades que teñan como finalidade a promoción e xestión do solo residencial.
8. En xeral, cantos asuntos lle sexan encomendados de acordo con estas funcións.

A Dirección Técnica de Solo Residencial estrutúrase nas seguintes unidades, con rango de xefatura de servizo:

Oficina Técnica de Solo.

Correspóndelle o exercicio das seguintes funcións:

1. A xestión da adquisición do solo residencial.
2. A xestión e, de ser o caso, a redacción, directamente ou a través dos servizos técnicos provinciais, dos correspondentes instrumentos urbanísticos, de ordenación do territorio e proxectos, así como dos expedientes de expropiación oportunos para a consecución dos fins do IGVS en materia de solo residencial.
3. A supervisión dos proxectos, coas funcións previstas na normativa de contratación pública, así como dos instrumentos de ordenación e xestión de solo residencial.
4. A preparación dos pregos de prescricións técnicas para os concursos de adquisición de solo e a emisión de informes técnicos de avaliación de ofertas encargados pola dirección técnica nos procedementos de contratación que afecten ao solo residencial.
5. A redacción dos proxectos, así como a dirección de obra e/ou a dirección de execución das obras que se lle encomenden.
6. O control e, de ser o caso, a inspección da execución das obras.
7. O asesoramento técnico en materia de solo residencial na elaboración da documentación técnica e en cantas materias relacionadas coas súas funcións lle sexan formuladas, garantindo o apoio técnico requirido polos outros órganos do IGVS.
8. A realización de estudos técnicos no ámbito da súa competencia.
9. En xeral, cantos asuntos lle sexan encomendados de acordo con estas funcións.

Servizo de Xestión e Réxime Xurídico do Solo.

Correspóndelle o exercicio das seguintes funcións:

1. A elaboración das disposicións normativas precisas relativas ás competencias en materia de solo residencial do IGVS.
2. A elaboración e xestión dos programas de actuación en materia de planificación e desenvolvemento de solo residencial.
3. O asesoramento xurídico na xestión dos correspondentes instrumentos urbanísticos, de ordenación do territorio e proxectos de urbanización, así como dos expedientes de expropiación oportunos para a consecución dos fins do IGVS, sen prexuízo das funcións propias da súa asesoría xurídica.
4. A redacción das encomendas, encargos e/ou convenios asinados con sociedades urbanísticas, empresas ou sociedades que teñan como finalidade a promoción e xestión do solo residencial.
5. A tramitación dos expedientes de cesións, así como a xestión dos procedementos de adquisición de solo residencial.
6. A preparación e tramitación dos procedementos de constitución de dereitos e/ou venda do solo residencial do IGVS.
7. A depuración e actualización da situación rexistral do patrimonio de solo do IGVS.
8. En xeral, cantos asuntos lle sexan encomendados de acordo con estas funcións.