VolverO IGVS
As áreas provinciais
Mon May 27 12:27:00 CEST 2024
- Compartir
-
-
-
Para o cumprimento das súas funcións, as áreas provinciais do IGVS contarán cunha xefatura de área provincial do IGVS, con rango de xefatura de servizo.
Correspóndelle á xefatura de cada área provincial o exercicio das seguintes funcións:
- A dirección da xestión de cantos asuntos en materia das competencias do IGVS teña atribuídos a área provincial, asegurando o cumprimento dos obxectivos do IGVS no seu ámbito territorial.
- A dirección e coordinación das funcións seguintes: o réxime interior, a tramitación administrativa, a xestión de persoal, o rexistro xeral e os diferentes rexistros públicos, os arquivos da área provincial e a información ao público.
- A xestión, en coordinación coas direccións técnicas de Solo Residencial e de Edificación e Calidade, das actuacións en materia de solo residencial.
- A elaboración da información e estatísticas da área provincial.
- O asesoramento e asistencia técnica ao/á director/a territorial.
- En xeral, cantos asuntos lle sexan encomendados ou delegados de acordo con estas funcións.
Cada área provincial contará cos siguientes servizos:
Unidade Xurídico-Administrativa
Esta unidade, co nivel orgánico que se estableza na relación de postos de traballo, desenvolverá as seguintes funcións:
- O Apoio xurídico e técnico-administrativo en relación coas materias atribuídas ao IGVS no respectivo ámbito territorial.
- A elaboración de informes e propostas de resolución sobre os recursos, reclamacións e solicitudes presentados ante a área provincial.
- A asistencia como vocal ás mesas de contratación, sen prexuízo das funcións propias da Asesoría Xurídica.
- A preparación dos expedientes administrativos que sexan requiridos polos xulgados ou tribunais en coordinación co Servizo Técnico Xurídico dos servizos centrais do IGVS.
- En xeral, cantos asuntos lle sexan encomendados en relación con estas funcións.
Servizo Técnico
Correspóndelle o exercicio das seguintes funcións:
- O control e revisión dos proxectos de obra nova de protección autonómica, rehabilitación e urbanización de solo.
- A elaboración, seguimento, control e supervisión dos proxectos de obras promovidas polo IGVS cuxa xestión se lle encomende.
- A elaboración dos informes facultativos dos expedientes tramitados na área provincial.
- A conformación das certificacións ordinarias, de revisión de prezos, finais e liquidacións dos contratos de obras e servizos que se lle encomenden.
- A elaboración de informes técnicos para adquisición de solo e edificios.
- A realización das valoracións de bens inmobles que se lle encomenden.
- A redacción ou colaboración na redacción dos instrumentos urbanísticos e de ordenación do territorio que se lle encomenden.
- A redacción dos proxectos de obra e a dirección de obra e dirección de execución das obras que se lle encomenden.
- O control e, de ser o caso, a inspección da execución das obras.
- A realización dos informes, inspeccións e visitas técnicas que se lle requiran en relación ao solo residencial do IGVS.
- A realización dos informes, inspeccións e visitas técnicas que se lle requiran en relación coa declaración e xestión de áreas de rexeneración urbana de interese autonómico (Rexurbe).
- A elaboración dos certificados de eficiencia enerxética de edificios e vivendas que se lles encarguen.
- A elaboración dos informes de avaliación de edificios que se lles encarguen.
- A realización de estudos e informes técnicos que se lle encomenden en materias das súas competencias.
- En xeral, cantos asuntos lle sexan encomendados de acordo con estas funcións.