Portal IGVS

1. A dirección inmediata do persoal do IGVS, sen prexuízo da súa dependencia funcional das persoas responsables de cada unidade.
2. A xestión das actividades de réxime interior, información, rexistro e arquivo.
3. A realización e coordinación dos estudios e análises necesarios para elaborar os plans e programas en materia de vivenda e solo.
4. A coordinación dos programas e as actuacións das diferentes direccións técnicas.
5. A proposta das accións relativas ao réxime interno dos servizos, a súa inspección e canto afecte ao seu funcionamento interno.
6. A coordinación da regulación normativa propia do IGVS garantindo a coherencia e compatibilidade das diferentes disposicións.
7. A coordinación da regulación normativa propia do IGVS garantindo a coherencia e compatibilidade das diferentes disposicións.
8. A coordinación na elaboración do anteproxecto de orzamentos do IGVS
9. A xestión dos medios materiais propios ou adscritos ao funcionamento do IGVS.
10. A dirección dos asuntos relativos ao apoio xurídico e informatización do IGVS.
11.  O impulso, orientación e coordinación dos servizos e unidades do IGVS.
12. A elaboración das propostas de normativa reguladora da adxudicación, uso e xestión, conservación, administración, aproveitamento e transmisión do patrimonio de vivendas e locais do IGVS e das vivendas protexidas en xeral.
13. A elaboración de instrucións e directrices sobre o réxime xurídico das vivendas de protección autonómica e coordinación coas áreas provinciais no que atinxe ao réxime xurídico destas vivendas.
14. A proposta, elaboración e xestión das medidas orientadas a facilitar o acceso dos cidadáns á vivenda.
15. A xestión das fianzas, así como a proposta do desenvolvemento normativo para a constitución dos depósitos e a xestión destes.
16. A coordinación das funcións de inspección e control nas materias que legalmente lle corresponden ao IGVS.
17. A emisión de instrucións e directrices de coordinación das áreas provinciais sobre o réxime xurídico das vivendas protexidas e resto de funcións competencia da dirección técnica.
18. A coordinación dos traballos e actividades que realicen os distintos órganos en materias que garden relación cos fins do IGVS e o coñecemento e a supervisión das propostas de disposicións e procedementos de xestión de cada unidade.
19. A secretaría e coordinación do Observatorio da Vivenda de Galicia.
20. O exercicio de calquera outra función que se lle asigne legal ou regulamentariamente ou lle delegue ou encomende a persoa titular da Dirección Xeral do IGVS ou o Consello Reitor do IGVS.

O/a secretario/a xeral asumirá, en caso de ausencia, vacante ou enfermidade da persoa titular da Dirección Xeral do IGVS, así como nos casos en que fose declarada a súa abstención ou recusación, as funcións ordinarias de despacho e sinatura nos asuntos de mero trámite e nos que con carácter ordinario lle sexan delegados.

Dependerá organicamente da Secretaría Xeral, con nivel orgánico de Subdirección Xeral, a Asesoría Xurídica do IGVS, que se rexerá polo disposto na Lei 4/2016, do 4 de abril, de ordenación da asistencia xurídica da Comunidade Autónoma de Galicia e do seu sector público, así como polo disposto no Decreto 343/2003, do 11 de xullo, polo que se aproba o regulamento orgánico da Asesoría Xurídica Xeral da Xunta de Galicia. Dependerá funcionalmente da Asesoría Xurídica Xeral da Xunta de Galicia e contará co número de efectivos que se determine na correspondente relación de postos de traballo.

Unidades da Secretaría Xeral

Correspóndelle o exercicio das seguintes funcións:

1. A coordinación e xestión da información e o seguimento dos diferentes plans e programas xestionados polo IGVS.
2. A coordinación do Rexistro Único de Demandantes de Vivenda da Comunidade Autónoma de Galicia, así como de calquera outro que se cree, dentro das competencias do IGVS, en materia de vivenda, que non estea expresamente atribuído a outro órgano do IGVS.
3. A elaboración das propostas de regulación e o seguimento dos rexistros públicos de demandantes e dos que se creen en materia da súa competencia.
4. A elaboración de informes e estatísticas relativas aos datos contidos nos rexistros en materia de vivenda.
5. A xestión e coordinación da información e atención á cidadanía nas materias da competencia do IGVS referida aos diferentes programas e actuacións que desenvolva o IGVS.
6. A coordinación da páxina web do organismo.
7. En xeral, cantos asuntos lle sexan encomendados de acordo con estas funcións.

Servizo de Vivendas Protexidas.

Correspóndelle o exercicio das seguintes funcións:

1. A elaboración de proxectos de disposicións, instrucións e directrices sobre o réxime xurídico das vivendas protexidas de promoción pública e de protección autonómica e a coordinación coas áreas provinciais no relativo ao réxime xurídico destas vivendas.
2. A proposta e elaboración das disposicións reguladoras dos prezos de venda e renda das vivendas protexidas.
3. O control dos procedementos de adxudicación, uso e coordinación da xestión das vivendas protexidas de promoción pública e de protección autonómica, así como dos locais comerciais que sexan da titularidade do IGVS.
4. A coordinación dos trámites que vaian realizar as diferentes unidades do IGVS en materia de vivendas protexidas e dos locais de titularidade do IGVS.
5. En xeral, cantos asuntos lle sexan encomendados de acordo con estas funcións.