VolverO Consorcio Casco Vello de Vigo aproba o seu plan ata 2030 con 25 inmobles de actuación prioritaria e un investimento de 15 millóns de euros
A convocatoria extraordinaria do consello de administración saca adiante por unanimidade a súa folla de ruta do próximo lustro para seguir recuperando o barrio
A delegada da Xunta en Vigo e presidenta do organismo autónomo, Ana Ortiz, celebra o acordo que permitirá poñer vivenda pública a disposición da cidadanía
“O traballo que levamos a cabo durante os últimos 20 anos vai ter continuidade coa rehabilitación e a construción de vivenda como prioridades”, sinalou
- Compartir
-
-
-
Vigo, 9 de outubro de 2025
A delegada territorial da Xunta de Galicia en Vigo e presidenta do Consorcio Casco Vello (CCVV), Ana Ortiz, valorou o acordo acadado este xoves no consello de administración extraordinario do organismo autónomo para aprobar tanto o seu Plan de Actuación 2026-2030 como o convenio entre administracións e o Plan de Actuacións, Investimentos e Financiamento (PAIF) 2026.
“Hoxe estamos de parabén porque o traballo feito durante os últimos 20 anos para a recuperación do barrio histórico vai a ter continuidade, porque o noso compromiso é firme e imos seguir nesta liña para que o Casco Vello teña unha rehabilitación integral no menor tempo posible”, sinalou a representante autonómica unha vez acadada a unanimidade de todos os representantes do consello de administración do consorcio.
Ana Ortiz valoraba así o acordo para que o CCVV, participado nun 90% pola Xunta de Galicia e un 10% polo Concello de Vigo, siga traballando durante o vindeiro lustro na rehabilitación do barrio e a construción de vivenda de protección autonómica. “Logrmos o obxectivo, non só é recuperar a zona histórica e as raíces da cidade, como levamos facendo desde o ano 2005, senón tamén poñer ao dispor da vigueses vivenda de promoción pública”, engadiu.
A delegada lembrou que o Consorcio Casco Vello “é un dos mellores exemplos do traballo continuado que realizamos en favor da cidadanía viguesa cando non se lle poñen trabas” e indicou que xa hai 90 edificios rehabilitados, 130 vivendas e 36 locais en marcha para “dar vida de novo a un barrio que se atopaba en moi mal estado”.
O Plan de Actuación 2025-2030 aprobado este xoves por unanimidade marca as pautas de rehabilitación que levará a cabo o organismo durante o vindeiro lustro. Así, un total de 25 inmobles son cualificados como obxectivo de actuación prioritaria e outros 20 edificios máis integran unha listaxe de actuación secundaria para dotar ao plan de flexibilidade. Ademais, o plan contará cun investimento dun total de 15,1 millóns de euros, que será financiado mediante ingresos por venda de inmobles, transferencias de capital dos entes consorciados e ingresos correntes.