VolverA conselleira de Vivenda e Planificación de Infraestruturas, María M. Allegue, asinou co alcalde, Plácido Álvarez, o convenio de colaboración para o financiamento desta actuación
A Xunta colabora co concello de Muíños na recuperación dunha vivenda municipal
O obxectivo é acometer a conservación dunha vivenda en baixo cuberta na rúa Val do Salas, en Muíños
O Goberno galego financia esta intervención cun préstamo por máis de 28.000€ do Fondo de Cooperación, a través da liña dirixida a municipios de menos de 50.000 habitantes
A Xunta, con esta medida, presta apoio aos municipios con menos poboación para levar a cabo a conservación de patrimonio, rexeneración urbana ou adquisición de inmobles
- Compartir
-
-
-
Santiago de Compostela, 11 de setembro de 2025
A Xunta colabora co Concello de Muíños na recuperación dunha vivenda municipal. A conselleira de Vivenda e Planificación de Infraestruturas, María M. Allegue, asinou co alcalde de Muíños, Plácido Álvarez, o convenio para a concesión dun préstamo por un importe total de 28.000€ do Fondo de Cooperación da Xunta para municipios de menos de 50.000 habitantes.
En concreto, o obxectivo do convenio firmado hoxe é levar a cabo a conservación e recuperación dunha vivenda en baixo cuberta na rúa Val do Salas.
Neste sentido, a intervención desenvolverase mediante esta iniciativa da Xunta que está destinada a financiar obras de conservación de patrimonio, rexeneración urbana ou adquisición de inmobles para rehabilitar en municipios con poboación máis pequena.
Este préstamo sen xuros ao Concello de Muíños correspóndese coa convocatoria para 2025 desta liña de achegas, dotada dun investimento total de 3,7M€, e que estará aberta ata o vindeiro 15 de outubro.