VolverA conselleira María M. Allegue reúnese con veciños afectados polos lumes no concello do Bolo
A responsable de Vivenda e Planificación de Infraestruturas visitou esta tarde o lugar de Celavente, onde coñeceu a situación da veciñanza afectada polos incendios
Informou aos veciños das axudas da Xunta en materia de vivenda, que no caso de ser habituais, poden acadar case 150.000€ para a súa reconstrución
Recordou que o Goberno galego tamén asumirá o 100% do alugueiro temporal, se é necesario, e achegará ata 600€ máis para sufragar gastos derivados desta situación
- Compartir
-
-
-
O Bolo (Ourense), 8 de setembro de 2025
A conselleira de Vivenda e Planificación de Infraestruturas, María Martínez Allegue, reuniuse hoxe con veciños afectados polos lumes no concello do Bolo.
Allegue, acompañada pola directora territorial da Consellería en Ourense, Pilar Fernández, visitou esta tarde o lugar de Celavente, onde coñeceu a situación dos veciños damnificados por mor dos incendios. Informou á veciñanza das liñas das axudas activadas pola Xunta, en materia de vivenda, e trasladou o compromiso de axilizar a tramitación para que as familias poidan comenzar canto antes a recuperación dos fogares.
Cómpre lembrar que as achegas da Xunta poden acadar case 150.000€ no caso de vivendas habituais, pois aos 132.000€ para rehabilitación do inmoble poden engadirse 16.200€ polo enxoval doméstico. En caso de segunda residencia, as axudas son de ata 66.000€ e 5.400€ para o enxoval.
Ademais, o Goberno galego tamén asumirá o 100% do alugueiro temporal, se é preciso e achegará ata 600€ máis para sufragar gastos de aloxamento provisional, transporte ou mudanza. Os afectados poderán percibir a contía total da axuda de xeito anticipado, o que lles permitirá axilizar obras de rehabilitación das vivendas.