VolverA Xunta recibe oito ofertas para a redacción do proxecto para construír 24 vivendas públicas na rúa Angelo Collocci en Lugo
O investimento total estimado previsto para a súa construción é de 4,4 M€
- Compartir
-
-
-
Santiago de Compostela, 18 de agosto de 2025
A Xunta recibiu oito ofertas de empresas para a redacción dos proxectos básico e de execución e dirección de obra para a construción de 24 vivendas de promoción pública na rúa Angelo Collocci, en Lugo, cuxo contrato foi licitado por máis de 196.000 euros.
O obxectivo é definir a construción dun edificio na parcela UA-N7, ubicada na rúa Angelo Collocci, unha das seis cedidas polos Concello de Lugo.
O investimento total estimado previsto para a construción destas vivendas de promoción pública é de 4,4 M€.
O departamento que dirixe María M. Allegue mantén o ritmo de traballo no obxectivo de acadar o reto de chegar ás 4.000 novas vivendas protexidas nesta lexislatura e acadar así 8.000 vivendas, tendo xa en marcha neste momento, máis de 2.800 vivendas en distintas fases de execución.