VolverA Xunta recibe oito ofertas para executar as obras de rehabilitación de seis edificios para 14 vivendas dirixidas a alugueiro accesible en Ferrol
As actuacións, licitadas por preto de 4,3 M€, enmárcanse no Programa Rexurbe e os inmobles están emprazados no casco histórico
- Compartir
-
-
-
Santiago de Compostela, 13 de agosto de 2025
A Xunta vén de recibir un total de oito ofertas de empresas para executar as obras de rehabilitación de seis edificios para habilitar 14 vivendas destinadas a alugueiro accesible no casco histórico de Ferrol.
Estas obras, licitadas en dous lotes distintos por un importe total de preto de 4,3 M€, enmárcanse no Programa Rexurbe da Xunta, co que a Consellería de Vivenda e Planificación de Infraestruturas está a adquirir inmobles en centros históricos para rehabilitalos con destino a alugueiro accesible.
En concreto, ao primeiro lote presentáronse tres ofertas de empresas. Neste caso correspóndese coa contratación das obras en tres edificios, un situado na rúa San Francisco 13 no que se habilitarán 2 vivendas públicas e 2 rochos. Tamén se impulsarán as obras de rehabilitación doutro edificio para 2 VPP, 2 rochos e 2 locais na rúa Mercé 22 - esquina rúa Carme Curuxeiras 36-38; e o terceiro inmoble está situado na rúa Dolores 28, barrio da Magdalena, onde se habilitarán outras 3 vivendas, 3 rochos e 1 local.
No segundo lote, ao que se presentaron cinco ofertas de empresas, inclúense a contratación das obras de rehabilitación en outros tres edificios, neste caso os situados na rúa Espartero, números 18, 46 e 59, respectivamente. No primeiro inmoble habilitaranse 3 VPP e 3 rochos, no segundo 2 VPP e no terceiro a obra incluirá 2 VPP e 2 rochos.
Estas obras contarán coa cofinanciación do Fondo Europeo de Desenvolvemento Rexional, no marco operativo Feder Galicia 2021-2027.