VolverA Xunta recibe seis ofertas para a redacción do proxecto de 10 vivendas públicas en Marxión, no concello de Vilagarcía de Arousa
O investimento total estimado previsto para a súa construción é de 1,9M€
- Compartir
-
-
-
Santiago de Compostela, 11 de agosto do 2025
A Consellería de Vivenda e Planificación de Infraestruturas, a través da Sociedade de Vivenda Pública de Galicia (Vipugal), recibiu seis ofertas de empresas para a redacción do proxecto básico e dirección de obra para a construción de 10 vivendas de promoción pública no Concello de Vilagarcía de Arousa.
Trátase de construír 10 vivendas protexidas, garaxes e rochos na parcela cedida polo Concello, que conta cunha superficie de 675 metros cadrados, no lugar de Marxión. O investimento total da Xunta nesta promoción se estima en 1,9M€.
Este contrato, licitado por importe de 105.843,16 euros, conta cun prazo de cinco meses para a elaboración dos proxectos, unha vez adxudicado o mesmo.
O departamento que dirixe María M. Allegue mantén o ritmo de traballo no obxectivo de acadar o reto de chegar ás 4.000 novas vivendas protexidas nesta lexislatura e acadar así 8.000 vivendas, tendo xa en marcha neste momento, máis de 2.800 vivendas en distintas fases de execución.