VolverA Xunta constitúe as comisións de selección para a incoporación de novos traballadores ao cadro de persoal da Sociedade de Vivenda Pública de Galicia
Por medio dun concurso-oposición incorporaranse catro arquitectos, dous técnicos xurídicos e dous administrativos
- Compartir
-
-
-
Santiago de Compostela 4 de xullo de 2025
O Consello de Administración da Sociedade de Vivenda Pública de Galicia S.A. (Vipugal) nomeou aos membros que integrarán as comisións de selección no marco do proceso de selección de persoal, por medio de concurso-oposición, convocado no pasado mes de febreiro.
A través deste proceso, a empresa incrementará o seu cadro de persoal coa incorporación de catro arquitectos, dous técnicos xurídicos e dous administrativos.
As comisións de selección nomeadas polo consello de administración están compostas por técnicos de Vipugal, do Instituto Galego da Vivenda e Solo e doutros departamentos da Xunta, xunto con funcionarios da administración municipal, profesores da Universidade de Santiago.