VolverA Conselleira de Vivenda e Planificación de Infraestruturas María M. Allegue, informou hoxe deste terceiro proxecto que está a impulsar a Xunta neste barrio da cidade de Lugo
A Xunta licita a primeira promoción da Sociedade Pública de Vivenda de Galicia para 145 novos fogares en Garabolos, cun investimento para redacción de proxecto e dirección de obra dun millón de euros
Allegue destaca o traballo a pleno rendemento desta sociedade que botou a andar hai un mes, de tal xeito que sae a licitación a redacción deste proxecto de novas vivendas, cuxo prazo de presentación de ofertas será ata o próximo 10 de marzo
A lo menos o 25% destas vivendas se reservarán para que menores de 36 anos poidan adquirilas en réxime de compra-venda
Incide no ritmo de traballo da Xunta para garantir á cidadanía o acceso á vivenda, e o obxectivo de construír 4.000 vivendas nesta lexislatura, das que dende Vipugal, se van a promover 2.350 vivendas públicas ata o 2028
- Compartir
-
-
-
Lugo, 24 de xaneiro de 2025
A Xunta licita a primeira promoción da Sociedade Pública de Vivenda de Galicia (Vipugal) para 145 novos fogares en Garabolos, no concello de Lugo, cuxo investimento para a redacción de proxecto e dirección de obra ascende a máis de 1 M€ de fondos propios da Xunta da Xunta de Galicia.
A conselleira de Vivenda e Planificación de Infraestruturas, María M. Allegue, puxo o acento no traballo “a pleno rendemento” de Vipugal, que botou a andar hai un mes, e que permite poñer hoxe en marcha o contrato para a redacción do proxecto básico e de execución e dirección de obra para a construción destas 145 novas vivendas de promoción pública. O prazo para presentar ofertas será ata o próximo 10 de marzo.
Allegue quixo destacar que, como mínimo, o 25% resultantes destas 145 vivendas, se destinarán a menores de 36 anos e en réxime de compra “porque queremos que os nosos mozos poidan adquirir en condicións e a un prezo máis accesible”.
Allegue fixo fincapé no compromiso traballo departamento que dirixe, neste caso en Garabolos, onde a principios de mes anunciou a licitación das obras de construción de dous bloques de promoción pública de 70 e 76 vivendas, por máis de 28 M€ (74,3% fondos da Xunta, e 25,7% fondos europeos). Subliñou o compromiso da Xunta coa veciñanza de Lugo, sendo este o terceiro proxecto que se impulsa neste barrio da cidade.
Incidiu nun dos retos máis importantes que ten por diante a Xunta de garantir á cidadanía o acceso á vivenda, e o obxectivo de construír 4.000 vivendas nesta lexislatura. Por iso, tal e como incidiu a conselleira dende Vipugal, vanse a promover 2.350 vivendas públicas ata o 2028, para conxuntamente coas impulsadas polo Instituto Galego de Vivenda e Solo (IGVS) chegar a esa cifra.