Portal IGVS

Axudas para a adquisición de vivenda nos centros históricos (VI400A)

Estas axudas teñen por obxecto subvencionar a compra de vivenda nos centros históricos para favorecer o asentamento de nova poboación nos conxuntos históricos e contribuír á dinamización social, económica e patrimonial destes ámbitos.

Persoas beneficiarias

• Persoas físicas maiores de idade.
• Nacionalidade española ou con residencia legal en España.
• Ingresos anuais da unidade de convivencia iguais ou inferiores a 6,5 veces IPREM 2022 (1).
• Non ser propietario nin usufrutuario dalgunha vivenda en España (o solicitante e a UC). Hai excepcións.

Requisitos das vivendas subvencionadas

• Adquiridas con posterioridade ao 15 de novembro de 2022 mediante contrato privado ou escritura pública de compravenda.
• Situadas en centros históricos enunciados no anexo da Orde da Consellería de Facenda do 1 de marzo de 2018 (DOG núm. 51, do 13 de marzo de 2018).
• Vivenda xa construída: novas, usadas e as que vaian ser obxecto de rehabilitación.

• Prezo das vivendas (excluídos gastos e tributos):

  • Vivendas situadas nos concellos A Coruña, Ferrol, Santiago, Lugo, Ourense, Pontevedra e Vigo (2)
    • Vivenda: 212.880 €
    • Vivenda e garaxe: 229.910,40 €
    • Vivenda e rocho: 217.137,60 €
    • Vivenda, garaxe e rocho: 234.168 €
  • Vivendas situadas nos restantes concellos (3)
    • Vivenda: 182.640 €
    • Vivenda e garaxe: 197.251,20 €
    • Vivenda e rocho: 186.292,80€
    • Vivenda, garaxe e rocho: 200.904 €

Importe subvención (Límite do 20% do prezo de venda, sen incluír os gastos e tributos inherentes)

• Vivendas non situadas nunha Área Rexurbe
  •  Vivendas adquiridas por menores de 35 anos: Ata 12.800 € por vivenda
  • Vivendas adquiridas por maiores de 35 anos: Ata 10.800 € por vivenda.
• Vivendas situadas nunha Área Rexurbe declarada
  • 15.000 € por vivenda independentemente da idade.

Xustificación e pagamento

• Vivendas con contrato privado: Antes do 30/11/2023 deberá presentar a escritura pública de adquisición da vivenda (Na que conste a axuda como parte do pago da vivenda e unha cláusula de destino da vivenda a residencia habitual e permanente por un prazo mínimo de 5 anos) e o certificado de empadroamento colectivo que acredite as persoas empadroadas na vivenda adquirida.
• Vivendas obxecto de rehabilitación: No prazo de seis meses, contado desde a data da notificación da resolución de concesión, deberá achegar unha copia da solicitude da licenza ou, de ser o caso, da comunicación previa das obras presentada no concello onde estea situada a vivenda.

Prazo de presentación de solicitudes

Dende o 4 de xullo ata o 2 de outubro de 2023.