Portal IGVS

Os locais comerciais e prazas de garaxe propiedade do IGVS poderán ser obxecto de comercialización de acordo co previsto no Título III do Decreto 253/2007, de 13 de decembro, do réxime xurídico do solo e das edificacións promovidas polo IGVS.

Con base no citado Decreto, o 15 de marzo de 2024 o director xeral do Instituto Galego da Vivenda e Solo (IGVS) ditou a resolución pola que se anunciaba o procedemento de adxudicación, mediante poxa, en réxime de compravenda ou alugueiro, de locais de negocio e prazas de garaxe propiedade do IGVS. O listo de inmobles e as condicións de adxudicación figuraban no prego que se atopa publicado na web do IGVS.

Moitos dos inmobles ofertados non recibiron ningunha oferta polo que, de acordo co previsto no artigo 65.2 do Decreto 253/2007, o director xeral do IGVS, con data do 21 de febreiro de 2025 ditou resolución pola que se declara deserta a poxa respecto dos locais de negocio e prazas de garaxe propiedade do IGVS ofertados en procedemento de adxudicación, mediante poxa, en réxime de compravenda ou alugueiro e que non obtiveron ofertas, e se abre o procedemento para a súa adxudicación directa (DOG Núm. 53, do 18 de marzo de 2025)