Portal IGVS

Persoas beneficiarias

Poderán beneficiarse desta axuda as persoas físicas maiores de idade que reúnan todos e cada un dos requisitos seguintes:

1. Ter menos de 36 anos no momento de solicitar a axuda.
2. Posuír a nacionalidade española, ou a dalgún dos Estados membros da Unión Europea ou do Espazo Económico Europeo, Suíza, ou o parentesco determinado pola normativa que sexa de aplicación. No caso das persoas estranxeiras non comunitarias deberán acharse en situación de estancia ou residencia regular en España.
3. Ser titular ou estar en condicións de subscribir, un contrato de alugamento de vivenda ou habitación ou un contrato de cesión de uso nos termos previstos na Resolución pola que se establecen as bases reguladores e a convocatoria.
4. Dispoñer de, polo menos, unha fonte regular de ingresos. Entenderase que teñen fonte regular de ingresos:
   • Os traballadores por conta propia ou allea.
   • O persoal investigador en formación.
   • As persoas perceptoras dunha prestación social pública de carácter periódico, contributiva ou asistencial.

Cando acrediten unha vida laboral de:

• Polo menos, tres meses de antigüidade, nos seis meses inmediatamente anteriores ao momento da solicitude.

• Ou unha duración prevista da fonte de ingresos de, polo menos, seis meses, contados desde o día da súa solicitude.

No caso de dispoñer de máis dunha fonte regular de ingresos, as rendas computables será a suma das rendas derivadas das ditas fontes.

e) Dispoñer dunhas rendas anuais, incluídos os das persoas que teñan o seu domicilio habitual e permanente na vivenda arrendada ou cedida ou a arrendar ou ceder, consten ou non como titulares dun contrato de arrendamento ou cesión, iguais ou inferiores a tres veces o Indicador Público de Renda de Efectos Múltiples (IPREM).

Non obstante, só se terán en conta as rendas anuais da persoa solicitante nos supostos de:

• Alugamento de habitación.

• E cando na vivenda convivan, ademais da persoa solicitante, outra/s persoas e concorran os requisitos previstos nas bases reguladoras.

f) Estar empadroado na vivenda arrendada ou cedida no momento da solicitude, no caso de ter contrato.

IMPORTANTE:

Esta circunstancia acreditarase mediante a o certificado ou volante de empadroamento COLECTIVO, no que conste a da solicitude, as persoas que teñen o seu domicilio habitual e permanente na vivenda obxecto de alugamento ou cesión ou na que se localice a habitación obxecto de alugamento ou cesión.

Recoñeceranse os certificados expedidos nos tres meses anteriores á data de presentación da solicitude.

No caso de que na vivenda resida unicamente a persoa solicitante, o certificado deberá facer constar expresamente esta circunstancia, non sendo válidos os certificados de empadroamento individuais.

g) As persoas que conviven na vivenda non poden :

• Ser propietarias ou usufrutuarias dalgunha vivenda en España, agás as excepcións previstas nas bases reguladoras.

• Ter parentesco en primeiro ou segundo grao de consanguinidade ou de afinidade coa persoa arrendadora ou cedente da vivenda.

• Ser socias ou partícipes da persoa física ou xurídica que actúe como arrendadora ou cedente.

Contía e duración das axudas

Se concederá ás persoas beneficiarias unha axuda de 250 euros mensuais, co límite da renda mensual, do prezo da cesión ou, de convivir con outras persoas, do importe que lle corresponda satisfacer á persoa beneficiaria.

A axuda terá unha duración de 2 anos e, en ningún caso, poderán concederse axudas con posterioridade ao 31 de decembro de 2026.

As axudas poderán recoñecerse desde o 1 de xaneiro de 2025 aínda que a data de recoñecemento fora posterior, sempre que o correspondente contrato de arrendamento ou de cesión de uso estivese vixente nesa data.

Suposto de pisos compartidos

Cando na mesma vivenda convivan dous ou máis persoas mozas, cada unha delas poderá solicitar a axuda se cumpre todos os requisitos sinalados anteriormente.

Computarase as rendas do solicitante individualmente se concorren os seguintes requisitos:

• Que no momento de solicitar a axuda, ningunha das persoas que conviva na vivenda teña entre si parentesco en primeiro grao de consanguinidade ou ben todas elas teñan unha idade non superior a 35 anos.

• Que todas elas subscriban o contrato de alugamento.

Prazo de presentación de solicitudes

O prazo de presentación de solicitudes comeza o 28/02/2025 e remata o 28/03/2025.