Portal IGVS

Información xeral

Esta resolución ten por obxecto aprobar as bases reguladoras que rexerán a concesión de bolsas de formación en materia de vivenda no Instituto Galego da Vivenda e Solo.

As persoas ás cales se lles conceda a bolsa recibirán a súa formación de acordo cun plan formativo elaborado especificamente para cada convocatoria pola Dirección Xeral do IGVS. Este plan de formación versará sobre materias relacionadas coas funcións propias do citado organismo e indicará as actividades prácticas que se realizarán.

Persoas beneficiarias

Poderán solicitar esta bolsa todas aquelas persoas que no momento de presentar a súa solicitude reúnan os seguintes requisitos:

• Terminar o grao esixido na correspondente convocatoria, dentro do prazo indicado nela.
• Ter competencia en lingua galega no nivel Celga 4, equivalente ou superior.
• Non ser con anterioridade beneficiaria doutra bolsa de formación do IGVS.
• Non ter emprego remunerado nin gozar doutra bolsa similar a esta. Noutro caso, deberá renunciarse ao emprego ou á bolsa con anterioridade ao comezo da formación.
• Non estar incursa en ningunha das circunstancias especificadas no artigo 10.2 da Lei 9/2007, do 13 de xuño, de subvencións de Galicia.

Contía das axudas

A duración e a contía das axudas será a que se determine en cada resolución de convocatoria.