Portal IGVS

A persoa titular da Dirección Xeral do IGVS é o seu órgano executivo. Será nomeado e destituído libremente polo Consello da Xunta de Galicia, por proposta da persoa titular da consellería con competencias en materia de vivenda.

Correspóndelle á persoa titular da Dirección Xeral do IGVS:

1. Asistir ao/á presidente/a no exercicio das súas funcións.
2. Exercer, por delegación do/a presidente/a, a representación oficial do IGVS.
3. Executar os acordos do Consello Reitor do IGVS.
4. Dirixir a xestión do IGVS.
5. Asinar os contratos sobre materias da súa competencia.
6. Formular o anteproxecto de orzamentos do IGVS, así como render as contas correspondentes.
7. Dispoñer os créditos e dotacións, o recoñecemento das obrigas e a ordenación dos pagamentos do IGVS, dentro dos límites que lle correspondan.
8. Dirixir a preparación dos plans e programas do IGVS e presentalos ao Consello Reitor do IGVS para a súa aprobación.
9. Exercer a xefatura superior sobre o persoal do IGVS.
10. Presentar a memoria anual do organismo.
11. Todas as facultades que lle delegue expresamente a persoa titular da Presidencia do IGVS ou lle sexan encomendadas polo Consello Reitor. Terá, así mesmo, como propias, todas as funcións e facultades non encomendadas pola lexislación vixente ao Consello Reitor ou ao/á presidente/a do IGVS.