Volver
Adquisición
Adquisición de vivenda en concellos de menos de 5.000 habitantes (VI435A)
Este programa de axudas está previsto no Plan estatal de vivenda 2018-2021, regulado no Real Decreto 106/2018, do 9 de marzo e ten por obxecto subvencionar a compra de vivenda por persoas menores de 35 anos en concellos de menos de 5.000 habitantes.
- Compartir
-
-
-
Persoas beneficiarias
Poderán beneficiarse destas axudas as persoas físicas maiores de idade que, con carácter xeral, cumpran os seguintes requisitos:
- Ter menos de 35 anos na data de presentación da solicitude de subvención.
- Posuír a nacionalidade española ou ter a residencia legal en España.
- Que os ingresos anuais das persoas que compoñen a súa unidade de convivencia sexan iguais ou inferiores a 3 veces o indicador público de renda de efectos múltiples (en diante, IPREM).
Este límite será de 4 ou 5 veces o IPREM se concorren as circunstancias específicas previstas nas bases reguladoras e na resolución de convocatoria.
- Ter adquirida unha vivenda con posterioridade ao 1 de xaneiro de 2021 mediante contrato privado ou escritura pública de compravenda.
- No caso de dispoñer de escritura pública, que a persoa solicitante e a súa unidade de convivencia estean empadroadas na vivenda adquirida
- Que nin a persoa solicitante nin ningunha das persoas integrantes da súa unidade de convivencia sexan propietarias ou usufrutuarias dalgunha vivenda en España, agás excepcións.
- Que nin a persoa solicitante nin ningunha das persoas integrantes da súa unidade de convivencia estea incursa nalgunha das causas para obter axudas.
Requisitos das vivendas subvencionadas
- Estar situadas en concellos da Comunidade Autónoma de Galicia de menos de 5.000 habitantes.
- Que o seu prezo de adquisición, incluídos os seus anexos, sen os gastos e tributos inherentes a ela, sexa igual ou inferior a cen mil euros.
- Que se trate dunha vivenda xa construída. Para estes efectos, admitiranse tanto as vivendas novas como as usadas.
Contía das axudas
A contía da axuda será de ata 10.800,00€ por vivenda, co límite do 20% do prezo de venda, sen incluír os gastos e tributos correspondentes.
Adquisición de vivendas por varias persoas conxuntamente
Neste suposto, cada unha das persoas adquirentes da vivenda deberá presentar unha solicitude, sempre que teñan menos de 35 anos na data de presentación da solicitude e reúnan os demais requisitos.
A contía da axuda será proporcional á súa porcentaxe de participación na compra da vivenda.
Prazo de presentación de solicitudes
O prazo de presentación de solicitudes remata o 1 de setembro de 2021.