Portal IGVS

Adquisición de vivendas protexidas (VI420C)

Con este programa de axudas o Instituto Galego da Vivenda e Solo persegue facilitar o acceso á propiedade das vivendas de protección autonómica de réxime xeral e especial, así como dinamizar o sector da construción, propiciando a saída ao mercado de vivenda protexida de nova construción ou procedente da rehabilitación.

Persoas beneficiarias

• Poderán beneficiarse destas axudas as peroas físicas maiores de idade que reúnan os seguintes requisitos:
• Posuír a nacionalidade española ou, no caso de seren estranxeiras, ter a residencia legal en España.

Requisitos das vivendas

• Vivendas de protección autonómica de réxime xeral ou especial de nova construción ou vivendas procedentes de rehabilitación.
• Que conten con resolución de cualificación definitiva na data de publicación da convocatoria.
• Adquiridas con posterioridade ao 30 de setembro de 2022 ou que tivesen presentado unha solicitude de subvención ao abeiro da Resolución do 11 de xaneiro de 2022 e lles fose denegada por esgotamento do crédito previsto na convocatoria.

Importe da subvención(Límite do 20% do prezo de venda, sen incluír os gastos e tributos inherentes).

A contía da axuda para a adquisición de vivenda será a seguinte:

• Vivendas situadas na Coruña, Ferrol, Santiago, Lugo, Ourense, Pontevedra e Vigo,
  • Menores de 35 anos: Ata 20.000€
  • Maiores de 35 anos:  Ata 16.000€
• Vivendas situadas nos restantes municipios de Galicia.
  • Menores de 35 anos: Ata 16.000€
  • Maiores de 35 anos:  Ata 12.000€

Prazo de presentación de solicitudes

Dende o 06/07/2023 ata o 02/10/2023